PannH, OSB - Pannonhalma, Bences - Capsarium (1000-1526)
1. Oktober 1500 (1500-1503)
Jelzet:
Capsa 35 K (1168)
Numm. Curr.:
1500 X 01
Dátum:
1. Oktober 1500
Regeszta:
A gyõri a pannonhalmi apátsághoz tartozó
pázmáni
Szent Imre egyház területén kápolnát épített s egyházi büntetésekkel akarja kényszeríteni az említett egyház híveit, hogy kápolnáját látogassák. Az apát s konventje panaszt emel VI. Sándor pápánál, ki az ügy elintézését az egri és váci püspökökre bízza.
Szöveg:
Alexander episcopus, servus servorum Dei, venerabilibus fratribus Agriensi et Waciensi episcopis salutem et apostolicam benediccionem. Querelam dilectorum filiorum moderni abbatis et conventus monasterii Sancti Martini in Monte Pannonie Ordinis Sancti Benedicti Iauriensis diocesis accepimus continentem, quod, licet parochialis ecclesia Sancti Emerici in
Pasnan
dicte diocesis eidem monasterio canonice unita, annexa et incorporata existat et illius parrochiani utriusque sexus in diebus festivis et solemnitatibus ad illam pro missis et alii divinis officiis audiendis et sacramentis recipiendis venire teneantur; tamen venerabilis frater noster modernus episcopus Iauriensis, qui in quodam solo intra parochiam dicte ecclesie consistente quandam capellam ipsis abbate et conventu invitis in grave ipsorum preiudicium construi fecit, necnon parrochiani dicte ecclesie, ne pro missis et aliis divinis officiis huiusmodi audiendis ac sacramentis recipiendis ad dictam matricem ecclesiam sub excomunicacionis et interdicti ac aliis ecclesiasticis sentenciis, censuris et penis accedant, nec illam visitare debeant, mandavit, atque quibusdam nobilibus et aliis eorum subditis ac aliis personis ne ad eclesiam eandem accederent, contra iusticiam interdixit et quasdam alias iacturas et damna eisdem abbiti et conventui intulit eosque super his diversimode molestare et inquietare presumpsit hactenus et presumit in ipsorum abbatis et conventus monasterii et parrochialis eclesie predictorum preiudicium non modicum et gravamen. Quare pro parte dictorum abbatis et conventus nobis fuit humiliter supplicatum, ut eis super his iusticie ministerio subvenire paterna diligencia curaremus. Nos igitur discrecioni vestre per apostolica scripta mandamus, quatenus vocatis, qui fuerint evocandi et auditis hincinde propositis, quod iustum fuerit, appellacione remota decernatis, facientes, quod decreveritis, ab ipso episcopo auctoritate nostra, ab aliis vero per censuram ecclesiasticam firmiter observari. Testes autem qui fuerint nominati, si se gratia, odio vel timore subtraxerint, censura simili, appellacione cessante, compellatis veritati testimonum perhibere. Quod si non ambo his exequendis potueritis interesse, alter vestrum ea nichilominus exequatur. Datum Rome apud Sanctum Petrum annis incarnacionis dominice millesimo quingentesimo, Kalendas Octobribus, pontificatus nostre anno nono. [1500. okt. 1.]
DF:
207983
Kiadó:
Sándor VI pápa
Andere Geschichten der Zeit ...
Anregungen und Bilder bitte an
patzcity_at_aon.at
oder
dada
!
